Emaginek hainbat diagnostiko eta esku hartze egitasmo egin ditu 2020 eta 2021 urteetan zehar Gizpuzkoako Foru Erkidegoan, eta Euskal Herrian zehar. Proiektu horietan askotariko emakumeekin eskuz esku jardun dugu zaintza lanen antolaketaren inguruko eta indarkeria matxistaren inguruan gogoeta egiten.

Covid-19 testuinguruan emakumeek bizi izan duten errealitatea eta estrategien jasoketa egin dugu, informazioaren bilketa espezifikoa eginez. Ondorengo teknikak baliatu ditugu informazioaren jasoketarako:

• Bigarren mailako informazio iturrietako datuen analisia:

Azken hilabeteetan publiko egin diren datuen bilketa egin dugu eta Gipuzkoara egokitutako analisia egin, informea osatzeko.

• Sakoneko elkarrizketak:

Elkarrizketa sakonak egin ditugu zerbitzu publikoetan lanen diharduten profesionalekin, zein orotariko emakumeekin. Elkarrizketa horien helburua bizipenak jasotzea eta autonomia zein erantzunkidetasun kolektiboa sustatzeko neurriak aztertzea (zailtasunak, oztopoak, mugak, aukerak, bertuteak…). Honako profil hauek elkarrizketatu dira: gizarte langileak, Indarkeriari aurre egin dioten emakumeekin elkar babeserako taldeak dinamizatzen dituen profesionala, mugimendu feministako kideak, sare komunitarioko kideak, amak, menpekotasun aitortudunen kargudun emakumeak eta etxeko langileak.

• Lan-saio parte hartzailea:

Zaintzen inguruan ikerketan jarduten duten hainbat adituekin zaintzen inguruan gogoeta egin eta ikerketen ondorio ezberdinak partekatzeko saio bat egin genuen.

Bi ardatz aletu ditugu: indarkeria matxista eta zaintza-erregimena. Eta horietan aztertu, esan bezala, zein elementu berri ditugun eskuhartze feministarako.

Datozen hilabeteetan zehar herri desberdinetan ikusi ahal izandu duzuen ERAKUSKETA+TXOSTEN bat prestatu dugu informazio honekin. Dagoeneko Hernanin dago ikusgai, martxoaren 7an solasaldi batekin hasiera eman genion. Martxoaren amaiera arte izango duzu aukera bertan ikusteko.