Zer eskaintzen dugu?

FORMAZIOA ETA ZERBITZUAK

Herri feminista bat eraikitzeko ezinbestekoa da eraldaketa pertsonalak eta kolektiboak bultazea. Horregatik, aurretik aipatutako lan estiloan oinarrituta, jabekuntza eta boteretzeko prozesuak jarri nahi ditugu martxan.

ZERBITZUAK

Indarkeria matxistarik gabeko guneak jaietan

Emakumeak eta herritarrak orohar indarkeri matxistaz kontzientziatzeko helburuarekin jai eremuan kokatzen dugu informazio puntua dugu. Asmoa da emakumeek eta bereziki neska gazteek jaietan indarkeri sexistarekiko dituzten bizipen, iritzi eta interesak jasotzea eta babes zein elkartasun gunea irudikatzea. Indarkeriari aurre egiteko bitartekoak erraztu nahi ditugu. Erasotzaile izan daitezkeenei dena libre ez dela eta erasoak dauden kasuetan erantzuna izango dutela ohartarazteko gunea da, hala nola emakumeek beren burua defendatzeko duten gaitasunaz jabetzen laguntzeko eta bitarteko eta lanabesak eskaintzeko.

“Elkar zainduz arriskutsuak gara” erakusketa + dosierra

Covid-19aren testuinguruan emakumeek bizi izan duten errealitatea eta estrategien jasoketa egin dugu, informazioaren bilketa espezifikoa eginez. Azken hilabeteetan publiko egin diren datuen bilketa eta Gipuzkoara egokitutako analisia; Elkarrizketa sakonak zerbitzu publikoetan lanean diharduten profesionalekin, zein orotariko emakumeekin, eta lan saio partehartzailea burutu dugu zaintzen inguruan ikerketan jarduten duten hainbat adituekin.

Bilketa honetan jasotako informazio eta datuekin 15 paneleko erakusketa osatu dugu, eta dosierra ere eskuragarri dago.

Informazio gehiago

FORMAZIOA

Herri feminista bat eraikitzeko eraldaketa pertsonalak eta kolektiboak bultazeko ikastaroak eskaintzen ditugu. Emakume talde, talde feminista, herri mugimendu eta erakunde publiko zein elkarte pribatuetan ikastaroak, tailerrak, lan saioak eta aholkularitzak ematen ditugu. Hauek dira eskaintzen ditugun gaiak.
Behar eta eskaera zehatzetara ere moldatzen gara:

Elkarte eta kolektiboetan genero botere harremanak lantzeko saioak

Prozesu honen helburua erakunde, elkarte edo kolektibo mixtoetan generoagatik dauden botere harremanak, parte hartzearen desorekak edota jarrera eta eraso matxistak ikusarazi, kolektibizatu eta hauek orekatzeko edo deuseztatzeko baliabideak eskaintzea da. Horretarako, lehenengo bi saioak espazio
banatuetan egitea eta azkeneko saioa elkarrekin egitea proposatzen dugu.

Ikusi PDFa

Antiarrazismoa lantzeko irakurle taldea (Gipuzkoan)

Arrazakeriak aurpegi asko ditu. Horiek, iparralde globala osatzen ez duten herrialdeen aitortza inbisibilizatzen duten mekanismoak sortzen dituzte. Ez dugu ikusezintasun hori betikotzen jarraitu nahi. Gure helburua arrazakeriaren aurkako kontzientzia sortzea da. Gure helburua hausnarketarako guneak sortzea da, literaturaren bidez arrazakeriaren aurkako ahalduntzea eta pentsamendua kritikoa eraiki ahal izateko. Izan ere, “ez da nahikoa arrazista ez izatea, antiarrazista izan behar da”. A. Davis.

Ikusi PDFa

Ahalduntzea

Feminismoan trebatzeko ikastaroa duzue hau, jarrera feminista zer den definitzen saiatu nahi dugu. Gure buruaren jabe izateak zein adierazpen hartzen dituen, zenbait kontraesani aurre egiten diogun feminismoan murgiltzeko hautua egiten dugunean. Zein zaila den askotan, gure buruaren alde egitea, emakumeoi besteen meneko, besteen beharren arabera antolatzen irakatsi digutenean. Sexu-genero sistemaren araberako hezkuntza jaso dugu, guztiok gara jendarte patriarkalaren ondorio. Guzti hau, gure gorputzetan islatzen da, gure mugimenduan. Munduan egoteko eta jarduteko moduetan. Gure buruen jabe izateko, gure eskubideen aitortza eta bermea lortzea beharrezkoa izango da. Parte garen jendartearen baldintzak eta egoera eraldatzea da asmoa, horretarako, emakumeon arteko elkartasuna gu geu subjektu bilakatzeko ezinbesteko tresna izango dugu. Ikastaro honetan, barne eta kanpoko eraldaketan eragiteko proposamenak botatzeko, entzuteko eta aktibatzeko aukera izango dugu!

Ikusi PDFa

Elkar zainduz, zaintza eskubide kolektiborantz

Gaur egun zaintza lanak antolatzeko dugun moduak ez ditu gizartean dauden beharrak asetzen. Egun, sistemak ez du gaitasunik biztanleriaren geruza askoren ongizatea bermatzeko eta datozen urteetan egoerak okerrera egingo duela iragartzen dute datuek, zaintzak beste era batera eratzen ez baditugu behintzat. Horregatik mintzo gara zaintza krisiaz.

Ikusi PDFa

Desboteretuz berdintasuna: maskulinitateak feminismotik (mutilentzat)

Genero berdintasuna helburu, gizon izateko modua birpentsatu eta desboteretze prozesuak gauzatzeko beharra dugu. Egungo jendartearen eraldaketa eta gizarte parekidearen eraikuntza bada gure ardura. Parekidetasun eza ematen den jendartean, emakume eta gizonok kokapen sozial ezberdina izanik, prozesu ezberdinak burutzeko beharra dugu.

Ikusi PDFa

Gure genealogia feministak: Mugimendu Feministaren historia

Mugimendu feministak, ez dira orain dela hamarkada bateko kontuak; izan ere, feminismoa emakumeek munduko herrialde guztietan aurrera eramandako borroka eta ekarpenari esker garatzen joan da; herriz herri, auzoz auzo, belaunaldiz belaunialdi. Gaur egungo feminismoak badu bere jatorria, bere testuinguru politiko, sozial nahiz ekonomikoa. Hau guztia ezagutzea, munduan zein Euskal Herrian mugimenduak izandako bilakaera eta aldarrikapenak ulertzea, etorkizuneko erronkei aurre egiteko tresna ezin hobea dela uste dugu. Ikastaro honetan, mendebaldeko mugimenduaren historiaz gain, Euskal Herrian 70. hamarkadatik aurrera ezagutu dugun mugimenduaren inguruan solastuko gara, antolatzeko modu eta aurrera eramandako borrokak aztertuz.

Ikusi pdf-a

GorputzGrafiak_fitxa

Ekin autodefentsa feministari!

Zer dira eraso sexistak? Nola pairatzen ditugu? Zeintzuk dira gure bizipenak honen aurrean?Nola identifikatu erasoak? Emakumeok pasibotasunaren ideian hezten gara eta babes beharra dugun pertsonak garela sinesten dugu. Ideia hori hautsi eta gure buruak aitortu, egoeraz jabetu eta boteretzeko autodefentsa feminista lehenesten dugu.
Egin aurre indarkeria sexistari. Nik, zuk, guk…ekin!
Indarkeria sexistak dimentsio oso zabala dauka. Edozein eremutatik dago aztertzea, edozein eremuri buruz hausnartzea. Fenomeno konplexua izanik, indarkeriaren dimentsio zabalenari heldu eta gure herrian aurre egiteko ditugun tresnei buruz hausnartuko dugu, etorkizunean ditugun erronkak identfikatu eta gainditzeko asmoz.

Ikusi pdf-a

Festa dezagun gaurdanik geroa: genero rolak jaietan

Festak eduki sinbolikoa duten jendarte eta kultur adierazpenak dira: errealitatearen adierazle kondentsatuak. Jaiek norbanakoa kolektibora hurbiltzen dute, prozesu honetan jokoan sartzen diren sentsazio eta emozio anitzen bidez. Gure ustez festak bizitzaren erdigunean daude, baloreen munduarekin erabateko lotura dutelako; herriaren nortasuna, jendarte egitura eta hortaz, bertan ematen diren zapalkuntza eta diskriminazioak ere adierazten dituzte. Horrela, jaiek eta erritoek jendarte ordena iraunarazten dute: egungo hierarkia anitzak, hegemonikoak diren gizon eta emakume irudiak indartzen dituzte. Tailer honetan gure herriko jaietan elementu diskriminatzaileak identifikatu eta horiei aurre egiteko bitartekoak eskainiko ditugu.

Ikusi pdf-a

Nola jarri bizitza erdigunean? Ekonomia feministaren oinarriak

Krisi testuinguru honetan, genero ardura naturalizatuak egonkortzen ari dira. Ekonomia feminista lan saio honen bitartez, generoak duen dimentsio sozioekonomikoan sakonduko dugu. Emakumeak eta gizonak ekonomian kokatzeaz haratago, feminitatea eta maskulinitatea ekonomian nola eraikitzen den ikusiko dugu. Bizitza prekarioetatik bizitza gozagarrietara salto egiteko lehen pausuak emateko saioa dugu hau.

Ikusi PDFa

Politika feministak: zinegotzi eta udal langileei zuzendutako trebakuntza saioa

Ia bi hamarkada pasa eta gero, berdintasun politikak eta zeharlerrotasuna hainbat eremu eta erakundeetan aplikatu direla esan dezakegu. Aldiz, emakumeon zapalkuntzarekin amaitu dela eta berdintasuna dagoela ezin dugu esan. Horregatik, ezinbesteko elementua deritzogu, aurretik egindako akatsetatik ikasi eta aldaketarako borondate politikoan oinarritutako politika publikoak martxan jartzea. Denon ardura da zapalkuntza patriarkalarekin amaitzea, baina bereziki herritarron ordezkariena. Udal politika feminista bat garatzeko ezinbestekoa den kontzientzia hartzea izango da ikastaro honen helburua, eta politika feminista hori garatzeko oinarrizko trebakuntza jasotzea.

Ikusi pdf-a

Irakurle eskola feminista

Irakurle talde honetan ahalduntze eta kontzientziatze feministan sakonduko dugu, betiere pentsamendu kokatua eta gorpuztua ardatz hartuta. Horretarako, esperientzia eta pentsamendu feministek sorturiko galderak, kezkak, giltzarriak eta diskurtsoak izango ditugu eztabaidagai. Askotariko irakurgaietatik abiatu (testu solteak, artikuluak, liburuak…) eta trukerako gune bat sortzea izango dugu helburu, pentsamendu kolektiboa sustatzeko, eta Euskal Herriari zein euskal kulturari buruzko pentsamendu kritiko-feminista garatzeko asmoz.

Ikusi PDFa

ESKOLA FEMINISTA IRAUNKORRAK

Gai eta beharren arabera egiten ditugun ikastaroak dira. Momentu honetan bi proiektu iraunkor ditugu martxan:

LABek sindikatuaren barne formaziorako eta prozesu feminista bermatzeko martxan jarritako eskola feminista iraunkorraren arduradun nagusiak gara. Eskolako edukiak bermatu, metodologia aproposak proposatu eta taldeen ebaluazio eta garapenaz arduratu gara.Era berean EH Bildu koalizioarekin ere norabide berean ari gara lanean.