TORTURA FEMINISMOTIK ERREPARATU
jardunaldiak

Ezin dugu bazter utzi ukaezina dena: emakume* torturatuek (eta, geure ustez, gizon torturatuek ere) indarkeria matxista pairatu dute, batez ere inkomunikazio-garaian, baina ez hor bakarrik. Indarkeria-mota horiei, aldiz, feminismotik beste indarkeria-kasu batzuei bezainbesteko arreta ez diegu eskaini. Hutsune horren jabe izanda, emakume* torturatuek Emagini egindako gonbidapenari heldu genion eta torturaz jarduteko marko feminista bat osatzen aritu gara elkarlanean. Gogoeta horren emaitza bildu dugu Olatz Dañobeitiak idatzitako “SORGINAK, PUTAK, TERRORISTAK. INDARKERIA MATXISTAREN ERTZAK: TORTURA POLITIKOAK” liburuan. (Liburuari buruzko informazio gehiago hemen irakur dezakezu).

Liburuak pentsatzeko eta jarduteko marko bat ezartzen badu ere, prozesu honen baitan ezinbestekoa iruditu zaigu torturen erreparazioan ekarpena egitea eta horretako antolatu ditugu, hain zuzen ere, TORTURA FEMINISMOTIK ERREPARATU jardunaldiak. Izan ere, feminista gisa, indarkeria matxistak pairatu dituzten emakume* guztien erreparazioa nahi dugu, baita torturak jasan dituztena ere. Eta horixe da prozesu kolektibo honen bigarren helburu handia, emakume* torturatuen berregite-prozesuetan bidelagun izatea. Egiazki, edozein erreparaziok, edozein berregitek, pertsonala bezain kolektiboa izan behar duela sinestuta gaude eta horregatik antolatu ditugu jardunaldiok. Guztion ardura delako torturak pariatu dituzten subjektuen erreparazioari ekitea.

Jadunaldiak otsailaren 7an izango dira, goiz eta arratsaldez, Donostiako Intxaurrondoko kultur etxean.

Torturak feminismotik erreparatu jardunaldien kartela

2026/02/07
EGITARAUA:

9:30 Harrera
10:00 Solasaldia: Indarkeria matxistaren ertzak: tortura politikoa
11:00 Hamaiketakoa
11:30 Emakume* torturatuen ahotsak: erreparazioaren akuiluak eta oztopoak
13:00 Gogoeta kolektiboa
14:00 Bazkaria
15:30 Jendartearen ardurak feminismotik astintzeko ahotsak
17:00 Ekimen kultural musikatua

IZEN EMATEA: Labur.eus/erreparatu

Izen ematea 15 €/10 € bazkaririk gabe.

NORI ZUZENDUTAKO JARDUNALDIAK DIRA?

Emakume* torturatuak
Mugimendu feminista
Herri mugimenduetako emakumeak*
Ezker abertzaleko emakumeak*
Torturaren aurkako eta memoria/aitortzen aldeko herri eragileetako emakumeak*
Belaunaldi berrietako emakumeak*
Gaian aritutakoak (abokatu, psikologo, ikerlari,kazetari…) emakumeak*

HEMEROTEKA:

Berria podcastak:
Torturaren mina baretzeko, feminismoa
2026/02/10
Irakurri hemen>>

Hirutxuloko Hitza:
Erreparatu dezagun eta diezaiogun (Kattalin Miner)
2026/02/27
Irakurri hemen>>

Berria:
Torturak hautsitakoa berregiteko proposamen bat, feminismotik
2026/02/08
Irakurri hemen>>

Berria:
Iratxe Retolaza Gutierrez: «Marko feminista bat eraikitzeko eskatu ziguten, baina modu kolektiboan eta kontrastatuan»
2026/02/08
Irakurri hemen>>

Naiz:
Maitasun aitortza bat (Iraitz Mateo)
2026/02/08
Irakurri hemen>>

Naiz:
Jardunaldiei buruko erreportajea: «Torturatu gintuzten, erori ginen, altxa gara, hemen gaude eta borrokan jarraitzen dugu»
2026/02/07
Irakurri hemen>>

Naiz: Gaur8
Olatz Dañobeitiari elkarrizketa: «Estatuak zuzenean egikaritu du indarkeria matxista bere funtzionarioen bidez»
2026/02/07
Irakurri hemen>>