Nafarroako Hezkuntza Departamentuko Hezkidetza Bulegoak jarri du abian SKOLAE programa, hezkidetza-praktikak garatu eta sendotzeko eta Nafarroako ikastetxeak eraldatzeko. Horretarako, ildo estrategikoetako bat da irakasleak etapa guztietan prestatzea eta ikasleak formatzea ere bai, berdintasunean bizitzeko gaitasuna eskura dezaten.

Proiektu honen helburu nagusia da ikastetxe bakoitzeko ikasle-talde boluntario bati berdintasunean, indarkerian, sexualitatean edo sexu-aniztasunean prestatzea. Prozesuaren amaieran talde horrek, aldi berean, ikasitakoaren deboluzio eta transmisio bat egin beharko du beren ikaskideak edo beste ikastetxe batzuetako kideak sentsibilizatuz solasaldien bidez, ikastetxean ekintzaren bat anotlatuz, proiekturen bat garatuz, bideo bat grabatu eta zabalduz…. Horrela, azken helburua berdintasun-, ekitate-, enpatia-, errespetu- eta erantzukizun-balioak transmititzea izanik, mundu bidezkoagoa eta gizatiarragoa lortzeko.
Bide hori egiteko, ikasle taldeari prestakuntza- eta hazkunde-prozesu horretan lagunduko dion ikastetxe bakoitzeko irakasle baten inplikazioa lortu nahi da.

Honetarako, Hezkuntza Departamentuak Emaginekin kontatu du 16-20 bitarteko ikastetxe ezberdinetako gazte talde hauei formazio saioak emateko eta irakasleekin ere jarraipen eta aholkularitza saioak emateko.

2021eko ekainan topaketa batzuk egin genituen 4 ikastetxeetako taldeak elkartuz ikasturteari emaiera emateko. Talde bakoitzak dinamika bat prestatu zuen aurrez eta bertan dinamiatzaile rola hartu. Topaketa hauetan proiektua azaltzen duen bideo hau grabatu zen:

Nork bere bizitza-proiektua aukeratzeko gaitasunak bereganatzen ikasteko prozesuan lagungarri izatea du helburu (askatasunetik eta aukera-aniztasunetik, genero-baldintzatzailerik gabe, arraza, erlijioa, maila ekonomiko eta kulturala, jatorria, eta abar edozein izanda ere); eskola-komunitate guztien eskura jartzen da, haurrak jaiotzen direnetik hezkuntza-etapa guztiak amaitzen dituzten arte.

Ibilbide osoa zeharkatzen duten hainbat kontzepturen inguruan egituratzen da SKOLAE: emakumeen eta nesken aurkako indarkeriak prebenitzea; emakumeak eta beren ekarpenak ikusgai egitea; identitate-, kultura eta sexualitate-aniztasunarekiko errespetua; partaidetza soziala; eta berdintasuna gauzatzeko konpromiso partekatua.

Lau ardatz nagusitan egituratzen da: 1) Berdintasun ezarekiko gaitasun kritikoa eta aldaketarako konpromisoa 2) Autonomia, independentzia pertsonala eta enpleguaren zentraltasuna 3) Lidergoa, ahalduntzea eta partaidetza soziala 4) Sexualitatea, elkarbizitza eta tratu onak.

Emaginetik asmo handiko eta beharrezko proiektu honekin kolaboratzen eta aholkulari lanetan ibili gara. Besteak beste, 3. ardatzaren eduki teorikoak eta jarduera praktikoak garatzeko metodologiak prestatzen lagundu dugu eta horretaz gain, on-line ikastaroaren tutoretza lanak egin ditugu urte hauetan zehar.

Betidanik izan dute mugimendu sozial zein elkarteek haien ezagutza arloan sakontzeko eta ikerketak bideratzeko grina baina, azken urteotan, interes hori areagotu dela uste dugu; ikerketa interbentzio eta eraldaketa sozialerako ezinbesteko estrategia bilakatu da, eta zapalkuntzak ikusgarri egiteko tresna paregabe bihurtu da.
Alta, unibertsitateko testuinguruetan gertatzen dira ikerketa gehienak, eta ezagutza bertan bakarrik garatzen dela uste du gehiengoak. Eremu honetan dagoen tradizio positibistaren nagusitasunak zein ikerlarien artean dagoen konpetentzia eta indibidualizaziorako joerak zaildu egiten du ikertu eta ezagutzen dena jendartearen eta, bereziki, herrigintzan dihardutenen mesedetan jartzea.

Ikastaro honetan, ikerketa eta metodologia feministek eskaintzen dituzten ikerketa tresna berriak ezagutzeko tartea eskaintzeaz gain, ezagutzen elkartrukea eta horizontaltasunean zein kidetasunean oinarritutako jakintzen eraikuntza nola garatu aztertu nahi dugu. Halaber, egun, ikerketa eta herrigintzaren esparruan dauden egitasmoen ezagutza bultzatu eta horien arteko saretzea bermatzeko beharrezkoak ditugun tresnak identifikatu nahi ditugu.

Ikerketa eta ezagutza feminista herrigintzatik birpentsatu nahi ditugu eta, era berean, herrigintza ikerketa eta ezagutza feministatik aldatu nahi dugu.

Azaroaren 10a, ostirala:

Gure genealogia feministan barrena. Emagin Elkartea.
Gerra gauza alu hori. Amagoia Gurrutxaga Uranga.

Azaroaren 11, larunbata:

1. Sarrera: Jakintza eta ezagutzaren eraikuntza komunitarioa. Emagin Elkartea.

2. Mahai-ingurua: Eraldaketarako ikerketa-ereduak.
Hizlariak: Haize Barcenilla, Oihane Uitzi (Ikerbiltza) eta Marta Barba (Simref).

3. Mahai-ingurua: Eraldaketarako ikerketa-esperientziak.
Hizlariak: Itziar Gandarias, Miren Guillo, Joxemi Zumalabe eta Katakrak.

4. Eztabaida: Herrigintzak zein ikerketa-eredu behar du?
Zer tresna eta egitura behar ditugu horrelako ikerketak eta esku-hartzeak garatu ahal izateko? Zeintzuk dira ikerketa eta esku-hartze eremu nagusiak? Zenbait metodologia aplikatuz, ezagutza, ikerketa eta esku-hartzearen mapa osatuko dugu.

Antxeta Irratiarekin batera, komunikazio parekidea lantzeko ESTILO LIBURUA egiten ari gara. Oinarrizko irizpideak lantzen ditugu kazetaritzan informazioaren trataera egokitasunez landu dadin.

Audientziak jasotzen duen informazioan sarritan, genero desorekak ematen dira. Begirada androzentrikoa gainditzeko irizpide lagungarriak behar dira. Era berean, informazioaren hartzaileak ez dira homogeneoak, adin, klase, jatorri eta genero ezaugarri ezberdinak dituzte eta horrek informazio inklusiboa egitea eskatzen du.

Akitaniako Departamenduko irratientzako Estilo Liburu hau egitearekin batera, formazio saioak ematen ditugu irrati hauetako profesionalei bideratuta.

Badakigu hezkuntza oinarrizko zutabe bat dela jendarte baten eraikuntzan. Garrantzitsua izango da, beraz, feminismotik hezkuntzaren alorrean eragitea eta genero perspektiba txertatzea. Baita ere, hezkuntzan ibiltzen diren hezitzaile nahiz agenteekin lan egitea hauek pedagogía eta praktika feministak garatu ditzaten.

Horregatik, aurten ere Emagin Elkartetik hezkidetzaren inguruko ikastaroa antolatu dugu Bizkaiko Urtxintxarekin batera Gipuzkoa, Bizkaia eta Araban. Teoria feministaren oinarriak, pedagogía feministak eta hezkidetzarako estrategiak landuko dira modu dinamiko eta parte hartzailean. Hernanin, Bilbon eta Gasteizen izena emateko idatzi hona: urtxintxa@urtxintxaeskola.eus